Ég sit núna inní vinnuherbergi á bóndabæ í Hrútafirði. Borðaði steiktan fisk í raspi með skrældum karteflum og kokkteilsósu í kvöldmat. Og núna rétt í þessu vorum við að klára kvöldkaffi sem var hjónabandssæla og brúnkaka. Elín Hirst les kvöldfréttirnar fyrir bóndann og bóndakonuna. Á morgun fer ég á hestbak og svo í sundlaugina á Hvammstanga. Á hinn fer ég á snjósleða á Snæfellsjökli. Á laugardaginn sl. var ég í Vestmannaeyjum að fagna Gosloka- hátíð í Skvísusundi. Árni Johnsen söng um ó hana Maríu og um það að hann vissi að hann kæmi heim í kvöld til hennar. Í gær sá ég hann Strokk gjósa 5 sinnum fyrir hann Geysi sem er í verkfalli og gekk um á Þingvöllum og borðaði humar á Stokkseyri.

Já ég hef sjaldan upplifað Ísland, mitt frábæra ylhýra ó svo fallega Ísland, jafnmikið og núna þessa vikuna. Ástæðan?
ég er með útlending í heimsókn... Jannke tjélling unar sér vel á Fróni og tekur fleiri myndir en nokkur Japani. Hún hlær að vísu að innfæddum þegar þeir í sveittum ham segja henni stoltir að KOKKTEILSóSAN sé íslensk uppfinning.

...hvað get ég sagt. Við erum fokkings stolt af landinu okkar...og meðhþví líka ´skan!

ps. halla bít ðis, nú ertu að gera e-ð af viti í vinnunni!!! prófaðu að reikna út hvað þú færð mikið borgað fyrir að hafa þvag og saurlát á mánuði...já hah eða bara ári. Fli-hippað!!!