Fréttir af stúlkunni í Reykjavík:

Fór í bíó með Maj-Britti og Tinnu í gær. Þar sáum við Brad Pitt í leður míní pilsi og voða smart topp við. Svo sáum við Orlando Bloom í bláum hippa kjól með spennur í hárinu og mikið og fallegt hálsmen. Annars var myndin OK, tók að vísu 3 tíma. Mér finnst að vísu að Hollywood framleiðendur ættu að hætta að hafa myndirnar svona langar. Er einhverjum sem finnst það betra?

Ég þekki sjálfa mig svo vel! Er í svo miklu sambandi við mitt innra sjálf. Til dæmis núna veit ég alveg að ég ætla aldrei að starfa sem glasabarn. Aldrei! Ever! Never! Ég tók eina nótt á Ölstofunni og það var fyrsta og eina skiptið. Ansans vesen þetta starf:) Fólk bara hrindir manni og drepur í sígarettu á kinninni og hellir á mann... þótt maður sé lítil stelpa með fullt fang af glösum. ÖShhhh!!

Já þjóðfélagið okkar! Það liggur við að ég sé hætt að segjast vera stoltur íslendingur þegar ég er búsett erlendis ( er svo mikið svoleiðis sko) Fólk kallandi forsetann vanhæfan, aðra gungur og druslur og stjórnarskrá bara eitthvað plagg! En svo má nú bara hafa gaman af og brosa út í annað kumpánlega.... tapar maður nokkuð á því ha?

Jæja núna er helgin að sigla inn, ég ætla í afmæli í kvöld þar sem boðið verður uppá sushi (best að taka það fram) og svo ætlar diskódrottning og krónprinsessan að skella sér með Perlunum sínum útá land á morgun og lengja líf sitt um nokkra daga... Er ekki sagt að hláturinn lengi lífið????